Молитвы и каноны, чтомые по усопшим - Коллектив авторов - Страница 12

Затем поем или читаем следующие стихи трижды без припева:

⁹² Я́ко аще бы не закон Твой поучение мое́ был, тогда у́бо поги́бл бых во смирении мое́м.⁹³ Во век не забуду оправданий Твои́х, я́ко в них оживил мя еси́.

Го́споди, поми́луй. (40 раз)

И начинаем вторую статию кафисмы:

⁹⁴ Твой есмь аз, спаси мя, я́ко оправданий Твои́х взысках.

Припев: Помяни, Го́споди, ду́ши раб Твои́х (ду́шу раба́ Твоего́, рабы Твоея).

⁹⁵ Мене ждаша грешницы погуби́ти мя, свиде́ния Твоя́ разуме́х.⁹⁶ Всякия кончины ви́дех конец, широка заповедь Твоя́ зело.⁹⁷ Коль возлюби́х закон Твой, Го́споди, весь день поучение мое́ есть.⁹⁸ Паче враг моих умудрил мя еси́ заповедию Твоею, я́ко в век моя есть. Паче всех учащих мя разуме́х, я́ко свиде́ния Твоя́ поучение мое́ есть. ¹⁰⁰ Паче старец разуме́х, я́ко заповеди Твоя́ взысках.¹⁰¹ От всякаго пути лукава возбрани́х ногам моим, я́ко да сохраню словеса Твоя́. ¹⁰² От судеб Твои́х не уклони́хся, я́ко Ты законоположи́л ми еси́.¹⁰³ Коль сладка гортани моему словеса Твоя́, паче ме́да усто́м моим.¹⁰⁴ От заповедей Твои́х разуме́х, сего ра́ди возненави́дех всяк путь неправды.¹⁰⁵ Светильник ногама мои́ма закон Твой, и свет стезям моим.¹⁰⁶ Кляхся и поставих сохрани́ти судьбы правды Твоей. ¹⁰⁷ Смири́хся до зела, Го́споди, живи мя по словесй Твоему. ¹⁰⁸ Вольная уст моих благоволи же, Го́споди, и судьбам Твоим научи мя.¹⁰⁹ Душа моя в руку Твоею выну, и закона Твоего́ не забых. ¹¹⁰ Положи́ша грешницы сеть мне, и от заповедей Твои́х не заблуди́х. ¹¹¹ Насле́довах свиде́ния Твоя́ во век, я́ко радование сердца моего суть. ¹¹² Приклони́х сердце мое́ сотвори́ти оправдания Твоя́ в век за воздаяние. ¹¹³ Законопреступныя возненави́дех, закон же Твой возлюби́х. ¹¹⁴ Помощник мой и Заступник мой еси́ Ты, на словеса Твоя́ уповах. ¹¹⁵ Уклони́теся от мене́ лукавнующии, и испытаю заповеди Бо́га моего. ¹¹⁶ Заступи мя по словеси́ Твоему, и жив буду, и не посрами мене́ от чаяния моего. ¹¹⁷ Помозй ми, и спасуся, и поучуся во оправданиих Твои́х выну. ¹¹⁸ Уничижил еси́ вся отступающия от оправданий Твои́х, я́ко неправедно помышление их. ¹¹⁹ Преступающия непщевах вся гре́шныя земли́, сего ра́ди возлюби́х свиде́ния Твоя́. ¹²⁰ Пригвозди страху Твоему плоти моя, от судеб бо Твои́х убояхся. ¹²¹ Сотвори́х суд и правду, не предаждь мене оби́дящым мя. ¹²² Восприими́ раба́ Твоего́ во благо, да не оклеветают мене гбрдии.¹²³ Очи мой исчезбсте во спасение Твое́, и в слово правды Твоей.¹²⁴ Сотвори с рабом Твоим по милости Твоей, и оправданием Твоим научи мя.¹²⁵ Раб Твой есмь аз: вразуми мя, и уве́м свиде́ния Твоя́. ¹²⁶ Время сотвори́ти Го́сподеви: разориша закон Твои.¹²⁷ Сего ра́ди возлюоих заповеди Твоя́ паче злата и топазия.¹²⁸ Сего ра́ди ко всем заповедем Твоим направляхся, всяк путь неправды возненави́дех.¹²⁹ Дивна свиде́ния Твоя́, сего ра́ди испыта я душа моя. ¹³⁰ Явление словес Твои́х просвещает и вразумляет младенцы.¹³¹ Уста моя отверзох, и привлекох дух, я́ко заповедей Твои́х желах. ¹³² Призри на мя и поми́луй мя, по суду любящих и́мя Твое́.¹³³ Стопы моя направи по словеси́ Твоему, и да не обладает мною всякое беззаконие.¹³⁴ Избави мя от клеветы челове́ческия, и сохраню заповеди Твоя́.¹³⁵ Лице Твое́ просвети на раба́ Твоего́, и научи мя оправданием Твоим.¹³⁶ Исхбдища водная изведбсте очи мой, понеже не сохрани́х закбна Твоего́.¹³⁷ Праведен еси́, Го́споди, и прави суди Твой.¹³⁸ Заповедал еси́ правду свиде́ния Твоя́ и истину зело.¹³⁹ Истаяла мя есть ревность Твоя́, я́ко забыша словеса Твоя́ врази́ мой. ¹⁴⁰ Разжже́но слово Твое́ зело, и раб Твой возлюби е́. ¹⁴¹ Юне́йший аз есмь и уничиже́н, оправданий Твои́х не забых. ¹⁴² Правда Твоя́ правда во век, и закон Твой истина.¹⁴³ Скорби и нужди обрето́ша мя, заповеди Твоя́ поучение мое́. ¹⁴⁴ Правда свиде́ния Твоя́ в век, вразуми мя, и жив буду. ¹⁴⁵ Воззвах всем сердцем моим, услыши мя, Го́споди, оправдания Твоя́ взыщу. ¹⁴⁶ Воззвах Ти, спаси мя, и сохраню свиде́ния Твоя́.¹⁴⁷ Предвари́х в безго́дии и воззвах, на словеса Твоя́ уповах.¹⁴⁸ Предвари́сте очи мой ко утру, поучи́тися словесе́м Твоим.¹⁴⁹ Глас мой услыши, Го́споди, по милости Твоей: по судьбе Твоей живи мя. ¹⁵⁰ Прибли́жишася гонящий мя беззаконием, от закона же Твоего́ удали́шася.¹⁵¹ Близ еси́ Ты, Го́споди, и вен путие́ Твой истина.¹⁵² Испе́рва познах от свиде́ний Твои́х, я́ко в век основал я еси́.¹⁵³ Виждь смирение мое́ и изми́ мя, я́ко закона Твоего́ не забых.¹⁵⁴ Суди суд мой и изба́ви мя, словесе́ ра́ди Твоего́ живи мя.¹⁵⁵ Далече от грешник спасение, я́ко оправданий Твои́х не взыскаша.¹⁵⁶ Щедроты Твоя́ мнбги, Го́споди, по судьбе Твоей живи мя.¹⁵⁷ Мнози изгонящии мя и стужающии ми, от свиде́ний Твои́х не уклони́хся.¹⁵⁸ Вйдех неразумевающия и истаях, я́ко словес Твои́х не сохрани́ша.¹⁵⁹ Виждь, я́ко заповеди Твоя́ возлюби́х, Го́споди, по милости Твоей живи мя. ¹⁶⁰ Начало словес Твои́х истина, и во век вся судьбы правды Твоей.¹⁶¹ Князи погнаша мя туне, и от словес Твои́х убои́ся сердце мое́. ¹⁶² Возрадуюся аз о словесе́х Твои́х, я́ко обретаяй корысть многу.¹⁶³ Неправду возненави́дех и омерзих, закон же Твой возлюби́х. ¹⁶⁴ Седмери́цею днем хвалих Тя о судьбах правды Твоей. ¹⁶⁵ Мир мног любящым закон Твой, и несть им соблазна. ¹⁶⁶ Чаях спасения Твоего́, Го́споди, и заповеди Твой возлюби́х.¹⁶⁷ Сохрани душа мой свиде́ния Твой и возлюби я зело. ¹⁶⁸ Сохрани́х заповеди Твоя́ и свиде́ния Твоя́, я́ко вси путие́ мой пред Тобою, Го́споди.¹⁶⁹ Да прибли́жится моление мое́ пред Тя, Го́споди, по словесй Твоему вразуми мя.¹⁷⁰ Да вни́дет прошение мое́ пред Тя, Го́споди, по словесй Твоему изба́ви мя. ¹⁷¹ Отрыгнут устне́ мой пение, егда научйши мя оправданием Твоим. ¹⁷² Провещает язык мой словеса Твоя́, я́ко вся заповеди Твоя́ правда.¹⁷³ Да бу́дет рука Твоя́ е́же спасти мя, я́ко заповеди Твоя́ изволих. ¹⁷⁴ Возжелах спасение Твое́, Го́споди, и закон Твой поучение мое́ есть.

Затем поем или читаем следующие стихи трижды без припева:

¹⁷⁵ Жива бу́дет душа моя и восхвалит Тя, и судьбы Твоя́ помогут мне.¹⁷⁶ Заблуди́х, я́ко овча погибшее: взыщи раба́ Твоего́, я́ко заповедей Твои́х не забых.

Припев: Благословен еси́, Го́споди, научи мя оправданием Твоим.

Святых лик обре́те источник жизни, и дверь райскую, да обрящу и аз путь покаянием. Погибшее овча аз е́смь, воззови мя, Спасе, и спаси мя.

Припев: Благословен еси́, Го́споди, научи мя оправданием Твоим.

Агнца Божия пропове́давше, и заклани бывше я́коже агнцы, и к жизни нестаре́емей, святи́и, и присносущней преставльшеся, Того прилежно, мученицы, молите долгов разрешение нам даровати.

Припев: Благословен еси́, Го́споди, научи мя оправданием Твоим.

В путь узкий хождшии прискорбный, вси в житий крест я́ко яре́м взе́мшии, и Мне последовавший верою, прииди́те наслади́теся, и́хже уготовах вам почестей, и венцев небесных.

Припев: Благословен еси́, Го́споди, научи мя оправданием Твоим.

Образ е́смь неизрече́нныя Твоей славы, аще и язвы ношу прегрешений; уще́дри Твое́ создание, Влады́ко, и очи́сти Твоим благоутробием, и вожделенное отечество подаждь ми, рая паки жителя мя сотворяя.